Drama på hav og is

For Idar Tarberg frå Moltustranda har havet vore arbeidsplassen frå han var femten år til han pensjonerte seg som 62 åring. I 1962 fekk han sin første jobb som messegut på «Langvin» fra Ålesund. 4. august var båten på veg til Vest-Grønland da den grunnstøytte i Flåværleia. Ingen kom til skade, men båten kom ikkje til feltet. Berre ei veke etter grunnstøytinga var Idar igjen på veg til Vest-Grønland, no om bord i Hordalandsbåten «Hans O», som var eigd av den legendariske notbasen Hans O. Vin­denes. Då Idar var 16 år tok han til på kokke- og servitørlinja på Herøy Yrkesskule, og som 17 åring reiste han som stuert på ishavsskuta «Grande». Litt av ei oppgåve for ein 17-åring å koke til 12-15 mann og ha ansvar for at det var nok proviant om bord.

Etter arbeid på ulike båtar gjekk han i 1967 om bord i Ålesunds­båten «Jan Mayen».

 

	M/S «Jan Mayen» blei levert frå Liaaen mek. Verksted 28. februar 1958 som bygg nummer 97. Kjøpar var H Koppernæs & Sønner i Åle­sund. Bruttotonnasjen var 297 tonn og motoren ein Deutz diesel med 1.000 hk. Båten var 42 meter lang og 7,5 meter brei. I 1969 solgt til Tromsø og omdøpt til «Heimen 1». Seld vidare til Paul Stark i Tromsø i 1981. Nytt namn «Polarfangst». I 1988 påsett shelterdekk og ny maskin (Wichmann 1710 hk.). I 1998 ny eigar, Kraknes Havfiske A/S i Tromsø. Ombygd og fornya i Polen med ny hekk, overbygg og innreing. I 2004 ny eigar Polardrift A/S i Tromsdalen, og nameskifte til «Kvitungen» med merkenummer T-6-T. Fortsatt i drift i 2020.

 

Mars 1968

I verda var det mykje uro og studentdemonstrasjonar i 1968. På Sunnmøre gjorde båtane seg klar for selfangst i Vesterisen og ved New Foundland. Startdatoen ved New Foundland var dette året utsett med ti dagar til 22. mars. I Vesterisen var startdatoen først 31. mars.

Logg inn

Logg inn

Prøv gratis i 24 timer

 

 

Få innsikt og oversikt

Bli abonnent